Madaxweynaha Jamhuuriyadda Federaalka Soomaaliya, Mudane Dr. Xasan Sheekh Maxamuud Hassan Sheikh Mohamud ayaa maanta si rasmi ah xarigga uga jaray dhismaha cusub ee Wasaaradda Waxbarashada iyo Tacliinta Sare ee Dowlad Goboleedka Hirshabelle, taas oo ka dhigan tallaabo muhiim ah oo lagu xoojinayo horumarinta iyo tayeynta adeegyada waxbarashada ee dowlad-goboleedka.
Munaasabadda xarig-jarka ayaa waxaa Madaxweynaha ku weheliyey Wasiirka Waxbarashada, Hiddaha iyo Tacliinta Sare ee Dowladda Federaalka Soomaaliya iyo Wasiirka Waxbarashada ee Dowlad Goboleedka Hirshabelle, kuwaas oo si wadajir ah u muujiyey muhiimadda ay leedahay in la helo xarumo dowladeed oo casri ah oo fududeynaya maamulka iyo horumarinta waxbarashada.
Madaxda ka qeyb gashay munaasabadda ayaa tilmaamay in dhismahan cusub uu wax weyn ka tari doono kor u qaadidda hannaanka maamulka waxbarashada, isku-dubbaridka adeegyada waxbarasho iyo dardargelinta dadaallada lagu gaarsiinayo bulshada waxbarasho tayo leh oo loo siman yahay.
Furitaanka xaruntan cusub ayaa sidoo kale ka tarjumaya dadaallada joogtada ah ee Dowladda Federaalka Soomaaliya iyo Dowlad Goboleedka Hirshabelle ay ugu jiraan horumarinta kaabeyaasha waxbarashada, si loo abuuro jawi ku habboon kobcinta aqoonta iyo tayada adeegyada waxbarasho ee dalka.
Event Speakers
Edward Norton
Motivation Speaker
Jane Seymour
Psychiatrist Expert
Kristina Perkins
Graphics Designer